Ég segi nei nei, ekki í landslið...

Virðist ætla að vera þrautin þyngri að finna þjálfara fyrir blessað handboltalandsliðið. Persónulega hefði ég viljað sjá Geir Sveinsson með liðið. Sagði það strax frá upphafi og ekki hefði verið verra ef hann og Dagur hefðu verið settir saman, þá hefði Geir tæklað varnarleikinn og Dagur séð um sóknarleikinn.

Nú er hins vegar spurning hvað þeir gera. Einhvers staðar las ég að ef Aron segði nei þá myndu þeir leita út fyrir landssteinana. Það eru nú svosem ekki margir eftir hér á landi sem eru verðugir að taka við þessu liði. Hugsanlega Óskar Bjarni eða Júlíus Jónasson þjálfari kvennalandsliðsins. Svo nefndi einhver Heimi Ríkharðsson. Held samt að þessir aðilar séu allir frekar ólíklegir og sérstaklega Heimir.

Síðan er spurning hvaða erlendi landsliðsþjálfari hefur áhuga á að þjálfa íslenska landsliðið. Þeir eru jú komnir í umspil bæði fyrir næstu Ólympíuleika og fyrir næsta HM þannig að það er ekki eins og það sé verið að taka við rjúkandi rúst. En það þarf að fara að drífa í þessum málum, það er ljóst...

Aron Kristjánsson: Erfiðasta nei sem ég hef þurft að segja á ævinni

Athugasemdir

[Ingibjörg Hinriksdóttir, 22.2.2008 kl. 00:36]

Sammála þér með Óskar Bjarna, hann er rétti kosturinn í stöðunni. Ótrúlega flinkur þjálfari og ég held að hann hafi eldmóðinn sem þarf í starfið!

[Smári Jökull Jónsson, 22.2.2008 kl. 13:52]

Þá held ég að hann þyrfti að hafa einhvern góðan með sér, reynslubolta sem þekkir alþjóðlegan handbolta.