Ææææiii hvernig er hægt að haga sér svona

Þetta náttúrulega nær engri átt. Þorsteinn kallinn á eflaust eftir að standa sig ágætlega í þessu starfi en maður veltir fyrir sér af hverju í ósköpunum er verið að óska eftir áliti nefndar á hæfi einstaklinga, ef löngu er búið að ákveða að ekki verður farið eftir því áliti. Nefndarmenn, sem eiga að vera sérfræðingar í þessu máli, töldu að þrír umsækjendur væru hæfari en umræddur Þorsteinn en samt velur hæstvirtur fjármálaráðherra hann í starfið.

Hver ætlar að reyna að segja mér það að það skipti ENGU máli að hann er sonur Davíðs Oddssonar ? Mín skoðun er sú að það er ástæðan fyrir því að hann fékk starfið, burtséð frá því hversu hæfur hann er.

Ég vona að það eigi eitthvað eftir að heyrast í mínu fólki í ríkisstjórn varðandi þetta mál, þetta vinnulag Sjálfstæðismanna er auðvitað verulega ámælisvert.

Þorsteinn Davíðsson skipaður héraðsdómari

Athugasemdir

[Hjálmar (IP-tala skráð) 21.12.2007 kl. 09:21]

Eru þau bara ekki orðin jafn spillt og hin??

 Nei án þess að reyna skapa leiðindi þá er voðalega skrítið að leita álits sérfróðra manna en velja svo 4 fjórða "hæfasta":S

En er það ekki dómsmálaráðherra sem skipar í þessa stöðu en ekki fjármálaráðherra eins og þú tekur fram en mbl.is tekur fram að dómsmálaráðherrann hafi skipað í þessa stöðu og að hann sé Árni M. Er ekki Björn Bjarna ennþá dómsmálaráðherra? Þetta fer allt í hringi:D

En er reyndar nánast viss um að dómsmálaráðherra skipi þessa stöðu þannig að....

[Anna Benkovic Mikaelsdóttir, 21.12.2007 kl. 11:45]

Hvorki Davíð né Þorsteini er greiði gerður með svona óskapnaði?

[SBB (IP-tala skráð) 21.12.2007 kl. 14:12]

Dómsmálaráðherra skipar í stöðuna. Björn taldi sig vanhæfan (því Þorsteinn var aðstoðarmaður hans) og Árni var því settur dómsmálaráðherra í þessu máli.

[Hjálmar (IP-tala skráð) 21.12.2007 kl. 17:17]

Rétt er það. Las það í dag að Björn hefði beðist undan að ráða í stöðuna þar sem að hann teldi sig óhæfan. En spurning hvort að Árni hafi ekki verið óhæfur líka... alltaf gott að vera vitur eftir á:)

[Smári Jökull Jónsson, 22.12.2007 kl. 13:56]

Svolítið fyndið líka að Þorsteinn sótti um héraðsdómarastöðu í fyrra og þá áleit Björn sig vera hæfan til að skipa í stöðuna. Hann hefur greinilega fallið svona svakalega í áliti hjá sjálfum sér síðan þá