Hvort liðið hentar svo Þjóðverjum betur ?

Þjóðverjar komnir í úrslit sem kemur svosem ekkert mikið á óvart, og nú eru þeir líklegustu sigurvegarar keppninnar. Nú er hins vegar bara spurningin hverjum þeir mæta. Persónulega held ég að þeir muni vinna Spánverja í úrslitaleik en er ekki eins viss um hvernig þeim myndi vegna gegn Rússunum.

Ég held að pressan bæri Spánverja ofurliði þegar í úrslitaleik væri komið. Rússarnir hins vegar hefðu engu að tapa auk þess sem þeir eru með alvitring hvað knattspyrnu varðar þegar horft er til þjálfarastöðunnar. Þannig að ég skýt á Þjóðverja sem Evrópumeistara ef þeir mæta Spánverjum, en Rússa sem meistara ef þeir komast í leikinn gegn Þjóðverjum.

Þjóðverjar unnu Tyrki 3:2 og leika til úrslita

Athugasemdir

[Hjálmar (IP-tala skráð) 25.6.2008 kl. 22:05]

Held ég sé nokkuð sammála þér.

Spánverjar myndu ekki standast pressuna, eða ég held að þjóðverjar eru of sterkir fyrir þá. Spái hins vegar Þýskaland vs. Rússland í úrslitaleik.

Rússar eru með hrikalega góðann þjálfara ásamt því að vera með nokkra öfluga leikmenn.

Þetta er ár Rússlands hvað varðar EM og eins og ég sagði í öðru commenti hjá þér þá held ég að tími Hiddinks er að renna upp... úr því sem komið er!

[Anna Ólafsdóttir (anno) (IP-tala skráð) 25.6.2008 kl. 23:39]

Þó að ég sé veikust fyrir Spánverjunum á þessu móti þá er ég sammála þér að það eru meiri líkur að Rússar nái að vinna Þjóðverjana.

[Andri Ólafsson, 27.6.2008 kl. 15:09]

Ekkert bul! Spánverjar koma, sjá og sigra!

[Guðný og Reynir, 27.6.2008 kl. 15:28]

Ég held allavega með þjóðverjum :) Reynir er að vísu ekki sammála mér, hélt með Ítalíu sem gekk nú ekki vel fyrir hann!!!