Slöpp blaðamennska, mjög slöpp !

Það er ástæða fyrir því að sumir fjölmiðlar hafa minni trúverðugleika en aðrir. Minn trúverðugleiki á blaðinu 24 stundir féll til dæmis um mörg stig þegar ég las blað dagsins, eða allavega þeirra sem skrifa íþróttir.

Þar var frétt um að búið var að draga í riðla fyrir úrslitakeppni Evrópumótsins í knattspyrnu sem fram fer í sumar. Mér fannst þetta nú svolítið skrýtið því riðlakeppnin kláraðist bara á laugardaginn. Þegar ég fór að skoða hinu ætluðu riðla þá sá ég að þetta voru alls ekki riðlarnir, heldur voru þetta þeir fjórir fjögurra liða styrkleikaflokkar sem búið er að skipta liðunum í - en eitt lið í hverjum styrkleikaflokki fer svo saman í riðla og því verða til fjórir fjögurra liða riðlar.

Þannig að textinn í fréttinni -  sem fjallaði m.a. um hveru óspennandi riðlarnir væru, hvaða lið væru líklegust til að komast áfram úr riðlunum og svo framvegis - hann var í besta falli mjög vandræðalegur !