Styrk staða

Það er nokkuð ljóst að Benitez hefur styrkt stöðu sína undanfarið með sannfærandi sigrum, nú síðast í gær þegar Liverpool valtaði yfir Bolton 4-0 á heimavelli. Torres skoraði frábært mark sem sýnir það og sannar að hann er einn hæfileikaríkasti sóknarmaðurinn í deildinni, ef ekki sá hæfileikaríkasti. Hann hefur hraða, styrk og er frábær slúttari og góður skallamaður. Held að hann eigi eftir að verða einn af þeim stærstu hjá Liverpool.

Annars var það El Hadji Diouf sem átti eitt af "mómentum" leiksins í gær þegar hann aflimaði næstum því Alvaro Arbeloa með skelfilegri tæklingu. Fékk hann gult spjald að launum þar sem rautt spjald var fyllilega verðskuldað - svo segja menn að dómararnir séu hliðhollir Liverpool í tíma og ótíma...

Torres varar við því að reka Benítez

Athugasemdir

[Hjalmar (IP-tala skráð) 3.12.2007 kl. 17:53]

Góður sigur hjá þínum mönnum og eru þeir búnir að vera í góðum gír í síðustu leikjum. Greinilegt að Benitez hafi farið að fordæmi Ferguson og Wenger að það er skemmtilegt að spila sóknarbolta og getur verið árangursríkt;)

En held að ég verði að toga þig niður á jörðinna, "ef ekki sá hæfileikaríkasti"... eða veit ekki nenni ekki að þræta um það. En hann er búinn að standa sig vel peyjinn miðað við að þetta er hans fyrsta tímabil í ensku og búinn að vera í einhverjum leiðinda meiðslum.

Hmmm en hliðhollir Liverpool já, eitt dæmi gegn 3-4 þar sem að dómar hafa fallið með Liverpool. Þá er ég ekki að tala um einhver atriði í miðjum leik sem skipta þannig séð litlu. Heldur dómar sem hafa ráðið úrslitum!

En orðinn almennt leiður að menn eru alltaf að setja út á dómara orðið, eina sem menn ræða ef liðið tapar leik eða stigum. United lenti í þessu síðustu helgi. Það er einfaldlega kalt á toppnum og svona spila þessi minni lið!    

[Sigþóra Guðmundsdóttir, 3.12.2007 kl. 21:52]

Jari jarí Hjálmar!

sTend með þér Smári!!!

[Smári Jökull Jónsson, 4.12.2007 kl. 16:13]

Chelsea fékk nú gefins víti á móti Liverpool í byrjun tímabilsins, leikurinn fór 1-1 og skoraði Chelsea eina mark sitt úr vítinu. Held að það skipti nú töluverðu máli...

Svo held ég að það sé hægt að telja fram atriði þar sem dómarar hafa dæmt með eða á móti öllum liðum - og ég held m.a.s. að þessi atriði séu hvorki fleiri né færri hjá einu liði en öðrum, og þá meina ég þegar litið er á þessi atriði að tímabili loknu. Held að Liverpool fái ekkert meiri hjálp, og ekki Man Utd heldur.

En ég er ánægður með að þú sjáir loks sóknarknattspyrnu Liverpool, þeir hafa nefnilega spilað sóknarknattspyrnu og gert það vel og nú held ég að Liverpool sé í alvöru með lið sem geti ógnað þeim sem hafa skipst á að vinna titilinn undanfarin ár. Þeir virka allavega meira sannfærandi og á þessum tíma í fyrra var Liverpool úr leik í baráttunni en núna eru þeir annað þeirra liða sem hafa tapað næstfæstum stigum í deildinni, aðeins Arsenal hefur tapað færri stigum.

Varðandi Torres þá er hann klárlega einn sá hæfileikaríkasti og hann á bara eftir að verða betri. Það verður ekki langt þangað til að hann verður settur í sama flokk og þínir menn Rooney og Ronaldo - sjáðu til

[Hjálmar (IP-tala skráð) 4.12.2007 kl. 17:27]

Þá erum við sammála, þetta jafnar sig "nokkurn veginn" yfir allt tímabilið:)

En já ég er sammála því að miðað við stöðuna í dag þá eru þetta 4 lið sem eru og verða að berjast um titilinn, öll að spila vel þessa daganna (hef reyndar ekki horft á neinn leik með Chelsea, en þeir eru a.m.k hala inn stigum).

En já hann Torres er einn af þessum hæileikaríku "unglingum" sem eru að koma upp, ásamt Rooney, Ronaldo, Messi og svo má auðvitað ekki gleyma Fabregas. En síðan er einn unglingur en sem fer að komast í þennan hóp en það er Clichy (ath stafs.), leikmaður sem heillaði mig þegar Arsenal spilaði við United og sérstaklega þegar þeir spiluðu við Liverpool! En vildi bara aðeins toga í þig þegar þú nefndir "sá hæfileikaríkasti";)  

[Smári Jökull Jónsson, 6.12.2007 kl. 00:21]

Já Clichy er búinn að spila þvílíkt vel fyrir Arsenal, mjög sterkur leikmaður og ekta sóknarbakvörður, sem kemur þó ekki niður á varnarhæfileikum hans.