Nauðsynlegt að skoða

Nú held ég að það sé kominn tími til að skoða aðildarviðræður af einhverri alvöru. Ef umræðan hefur komið upp undanfarin ár, nær undantekningarlaust fyrir tilstuðlan Samfylkingarfólks, þá hefur hún jafnharðan verið skotin niður af Sjálfstæðisflokknum sem hafa ekki einu sinni viljað ræða málin og í raun ekki getað það fordómalaust. Aldeilis góðir siðir það...

En ég vona að nú komi einhver alvöru umræða um aðild að Evrópusambandinu. Almenningur veit ósköp lítið um hvað málið snýst og nauðsynlegt að skoða kosti og galla málsins.

Stuðningur við ESB rúm 55%

Athugasemdir

[Gísli Baldvinsson (IP-tala skráð) 26.2.2008 kl. 09:45]

Kjarni málsins.

[Johnny Bravo, 26.2.2008 kl. 10:00]

Er ekki sammála, vill að umræðan snúist um hvernig við gerum okkar land betra. 

Við verðum nettó greiðendur í þetta tollabandalag, það er að segja borgum meira í það en landsmenn okkar fá í styrki, þá aðallega bændur af því að 40% af fjárlögum tollabandalagsins eru varinn þessum göfuga málstað. Við missum stjórn yfir tollum okkar við umheiminn og mann sem dreymir um Ísland án tolla er það hörmung.

Ég sný bara greininni þinni við og segi þeir sem vilja ESB vita lítið um það og eru að leita að patent lausn. Samfylkingin vill ekki heyra rök á móti frekar en Sjálfstæðismenn vilja heyra rök með.

Það þarf að fara í aðgerðir til auka vægi vaxta seðlabankans og þá yrðu þeir stöðugri. Afgangur af ríkissjóði þarf að vera meiri á góðum árum. En vandamálið er aðstjórnmálamenn eru hvergi með þetta á hreinu svo það er gott að hafa stýrivexti og gengi til að rétta þetta af.

Að auki kemur svo lausafjárkreppa, en hún er alstaðar. 

Vill benda á hækkun á húsnæðisverði ef vextir lækka, m2 kostar 225þúss í RVK og 400þúss í kaupmannahöfn. Sem sagt, húsnæðisverð þarf að fara út úr VNV á meðan þessi umbreyting fer fram. Annars teldi þetta 75% hækkun og þyrfti að þinna inní kerfið á 35árum og við viljum hraðari leiðréttingu vaxta.

Finnst líka sorglegt að stjórnmál eigi að snúast um þetta ESB og við ættum að halda okkur við að kjósa um spítala, skóla, skatta og velferðarmál og ekki um hvort flokkar vilja ESB aðild.

Annar vantar mig rök fyrir því hvað er svona betra ef við göngum í sambandið annað en að þá þurfum við ekki að skipta peningum áður en við ferðumst. 

Þetta er bara væl, við erum of lítil við getum ekkert, en sannleikurinn er að við erum að standa okkur best af þessum þjóðum

[Smári Jökull Jónsson, 26.2.2008 kl. 10:16]

Ég hélt því heldur aldrei fram að þeir sem væru hlynntir því að skoða ESB vissu eitthvað extra mikið um það eða meira en hinn hópurinn, þess vegna þarf að skoða þetta ofan í kjölinn - svo að fólk viti um hvað það er að ræða. En allt þetta sem þú talar um - er þetta ekki í raun getgátur um hvernig þú heldur að málin verði ? Við vitum ekkert meira vegna þess að það hefur aldrei farið af stað nein alvöru umræða.  Og jafnvel þó þetta séu eitthvað meira en getgátur þá eru þetta upplýsingar sem hinn almenni Íslendingur hefur ekki á takteinum og það sýnir aftur ástæðu þess að nauðsynlegt sé að ræða þetta opinskátt.

Kannski við vitum eitthvað meira um þessi mál og önnur tengd ESB ef það verður alvöru umræða um sambandið ?

[Mattý (IP-tala skráð) 26.2.2008 kl. 10:50]

Held það sé rétt að árétt eitt í sambandi við tollana. Vörur sem framleiddar eru innan ESB ferðast án tolla á milli allra ríkja innan sambandsins. Væri Ísland í ESB gæti vara framleidd hér á landi því farið til Danmerkur og Þýskalands, þaðan áfram til Ítalíu og Spánar án þess að greiða þurfi tolla af henni. Bendi líka á að Ísland er í EES og það er einnig tollabandalag. Nú þegar höfum við því ekki alveg frjálsar hendur um tollalaálagningu.

Ég er alveg sammála því að það þurfi að auka umræðu um kosti og galla þess að ganga í ESB. Hefur ekki aðal umræðan á móti inngöngu verið sú að við missum stjórn yfir fiskimiðunum okkar? Að mínu mati hafa Íslensk stjórnvöld ekki verið að standa sig alveg nógu vel í þeim efnum undanfarið ...

Eins og staðan er í dag er það Noregur sem stendur straum af mestum kostnaði við EES. Ákveði Noregur að ganga í ESB held ég að Ísland muni fylgja. En það er auðvitað nokkurra ára process.

[Hjálmar (IP-tala skráð) 26.2.2008 kl. 11:18]

Ég sé ekki að það sé tímabært að skoða aðildarviðræður. Held samt að það sé mikilvægt að skoða kosti og galla! Allt í lagi að skipa nefnd (óháða að sjálfsögðu) sem tekur bara þetta saman hvaða pakki þetta er sem við færum í ef við gegnjum inn í ESB.

Hitt er svo annað mál að t.d hefur húsnæðisverð hefur hækkað í þeim ríkjum sem hafa gengið í ESB (spurning hvort ísland sé ekki búð að taka þessa hækkun undanfarin ár). Auk þess hefur ísland ekki mikið að segja inn í svona bandalagi, en gætum reynt að vera í samfloti með skandinavíu.

Hvað varðar sjávarútveginn þá held ég að hann skipti orðið ekki svo miklu máli í dag og muni áhrif hans minnka meira og meira. Það er einfaldlega annað að koma í staðinn og sjávarútvegurinn er ekki sú undirstöðugrein eins og hann hefur alltaf verið!

En um að gera að skoða kosti og galla:)

[Smári Jökull Jónsson, 26.2.2008 kl. 16:12]

Er víst að allir kostir og gallar komist á hreint nema við förum í alvöru viðræður ?

Þetta tekur auðvitað tíma og þó svo að það væri farið af stað núna þá myndi þetta aldrei gerast strax. En líklega er þetta rétt hjá þér Mattý, það á eftir að skipta máli hvað Noregur gerir í sínum málum.

[Ingibjörg Hinriksdóttir, 27.2.2008 kl. 13:24]

Auðvitað á að skoða aðildarviðræður af alvöru og það strax. Við skulum ekki gleyma því sem haldið er fram um fordóma að þeir skapist fyrst og fremst vegna vanþekkingar. Það er alveg rétt og það sama á við um Evrópusambandið.