Fyllerí á þriðjudagsmorgni

Hlustaði á Zúúber á FM957 á leið minni í vinnu, eins og ég geri nú nær alltaf. Þar hringdi kona inn sem var svona agalega hress. Hún sagðist vera búin að hella rauðvíni í glas og var svona líka sátt með það. Stjórnendur Zúúber ræddu við hana og þegar leið á símtalið kom í ljós að hún þyrfti ekki að mæta í vinnu fyrr en seinnipartinn og svo kom í ljós að hún var í raun á flösku númer tvö.

Greinilegt var á stjórnendum þáttarins og þeim þótti þetta ekki alveg eðlilegt og spurðu hlustandann margoft hvort henni þætti í lagi að drekka áfengi á þriðjudagsmorgni og hvort þetta væri vandamál. Þvertók konan fyrir það, sagði þetta í góðu lagi og var hin hressasta. Bætti hún því við að þetta væri nú öðruvísi í Eyjum !!

Ekki man ég eftir að hafa verið sötrandi rauðvín á þriðjudagsmorgnum heima í Eyjum ! Reyndar hefur maður verið að drekka áfengi á mánudagsmorgni einu sinni á ári, en það takmarkast við verslunarmannahelgi og einungis ef maður er ekki farinn heim úr Dalnum.

Endaði samtalið þannig að þau létu hana "fade-a" út svona smátt og smátt. Spurning hvort konan hafi verið að grínast eða hvort hún var í alvöru drukkin á þriðjudagsmorgni klukkan 8. Vonandi að þetta sé ekki orðið vaninn heima í Eyjum. Anyone...?

Athugasemdir

[Andri Ólafsson, 1.4.2008 kl. 14:00]

Ekki var það rauðvín á þriðjudagsmorgni... en við félagarnir áttum það til að hittast eldsnemma morguns með kampavín og vodka að fagna komu Miðvikudagsins. Verst var það hvað maður var orðinn þreyttur í hádeginu

[Þráinn Árni Baldvinsson, 1.4.2008 kl. 15:22]

Ég þekki ansi marga úr Eyjum...

[Sigþóra Guðmundsdóttir, 1.4.2008 kl. 16:54]

Alla vega hef ég misst af þessu hingað til!!!

[Árni Sigurður Pétursson, 1.4.2008 kl. 23:54]

hehe... þú ættir að hlusta á alveg blá restina af þættinum

þar er hringir þessi sama kona inn aftur og ákveður einsog hún segir að fara verða sjálfskynhneigð, og fer að leika við sjálfa sig í beinni.

http://vefmidlar.visir.is/vefUtvarp/?channelID=FM957 frá og með 2:50 ca.

[Andri Ólafsson, 2.4.2008 kl. 15:31]

ooookey, þetta er klikkað... þorir einhver að giska á hver þetta er?

[Árni Sigurður Pétursson, 2.4.2008 kl. 23:30]

ég er reyndar búin að heyra hver þetta er.

[Smári Jökull Jónsson, 2.4.2008 kl. 23:47]

Æiii ekki gera mig svona forvitinn, mig langar ógeðslega mikið að vita hver þetta var !