Farinn

Farinn í Reykjaskóla, verð þar í viku ásamt yndislegu börnunum mínum úr Smáraskóla.

Annars er nú varla hægt að yfirgefa bloggheiminn án þess að minnast á lýsingu aldarinnar sem Adolf Ingi Erlingsson og félagi hans Ólafur Björn Lárusson áttu í gær þegar þeir lýstu leik Ciudad Real og Kiel í úrslitum meistaradeildarinnar í handknattleik.

Þá töluðu þeir í sí og æ um leikmann í liði Ciudad sem þeir töldu fyrir víst að hefði verið inná í upphafi leiks. Undruðu þeir sig mikið á því af hverju hann væri ekki lengur inni á vellinum því hann væri nú markahæsti leikmaður liðsins á tímabilnu og næði einstaklega vel saman við Ólaf Stefánsson. Þessi leikmaður fór frá Ciudad fyrir tímabilið og hefur því ekki leikið með þeim í vetur, var því ekki á vellinum í upphafi leiks hvað þá að hann sé markahæsti leikmaður liðsins í vetur.

Einnig minntust þeir á annan leikmann Ciudad sem þeir vonuðust til að sjá fljótlega inná þar sem hann væri lykilmaður liðsins og væri búinn að spila mjög vel í vetur. Þessi leikmaður er einmitt búinn að vera meiddur núna í lengri tíma. Auk þess þekktu þeir ekki einn af frægari leikmönnum liðsins.

Á ekki að vera hægt að gera þá kröfu að menn sem hafa það að atvinnu að lýsa svona leikjum, að þeir undirbúi sig fyrir leiki - allavega pínulítið ?

Athugasemdir

[Þráinn Árni Baldvinsson, 6.5.2008 kl. 21:14]

Ég kom í heimsókn ásamt Dagbjörtu í Smsk á mánudaginn, rétt eftir að þið fóruð, bömmer!

Sjáumst síðar, hressir og kátir :)

Bið að heilsa öllum í 7.bekk.

[Þorkell Sigurjónsson, 7.5.2008 kl. 06:09]

Hafðu það sem best Eyjamaður.  Kveðja.

[Smári Jökull Jónsson, 7.5.2008 kl. 14:32]

Týpískt Þráinn ! En ég skila kveðjunni og við sjáumst nú vonandi fljótlega !

Takk fyrir kveðjuna Keli, nú fer að hefjast boltinn hjá okkar mönnum og vonandi koma þeir sé nú upp í efstu deild á nýjan leik