Bensínið ?

Þar sem olíutunnan hefur lækkað um rúm 400% (ef reikningskunnátta mín svíkur mig ekki) þá fyndist manni ekki óeðlilegt að bensínið hér á landi myndi lækka eitthvað líka - þó að væri nú ekki nema fyrir hluta þeirrar tölu.

Það virðist hins vegar alltaf taka lengri tíma að líta til þróunar heimsmarkaðsverðs, þegar verðið á olíunni er að lækka en þegar það er að hækka. Merkilegt nokk...

Smá leiðrétting. Þar sem í ljós kom að reikningskunnáttan mín sveik mig, þá er komin ágætis útskýring í kommentum á stærðfræðinni hvað varðar hækkun/lækkun olíunnar

Olían í 10 dali?

Athugasemdir

[Geir Guðbrandsson, 19.1.2009 kl. 09:40]

Ekki veit ég hver kenndi þér stærðfræðina sem þú beitir þarna, en ef olían hefði lækkað um 400% úr einhverju verði myndi það gefa okkur að nú væri borguð þrefalt fyrra verð olíunnar með hverri tunnu.

Þú hefur væntanlega fengið þessa niðurstöðu með eftirfarandi útreikningum:

      147/36=4

En réttara væri :

36/147=0,076 eða um það bil 0,08. Sem gefur að verð í dag er um 8% af hæsta verði eða hefur síðan 147 dala verði á tunnu var náð lækkað um nær 92%. 

[Einar Karlsson (IP-tala skráð) 19.1.2009 kl. 10:03]

Mér sýnist eitthvað hafa skolast til hjá þér Geir,

36/147 = 0,2448 sem þýðir að fatið er 24,48% virði af hæsta skráða verði og hefur því lækkað um 75% eða ca. usd 110.   Á hinn veginn ef olían myndi hækka aftur í fyrri hæðir myndi hún stökkva upp um 400%.

kv. ek

[Smári Jökull Jónsson, 19.1.2009 kl. 12:10]

Ok gott og vel, mín mistök - ef hún myndi hækka aftur upp í 147 dollara þá væri hún búin að hækka um 400%

Ég ætla svo að láta ykkur um afganginn - sýnist þið mun fróðari en ég í þessum fræðum !

[Einar Karlsson (IP-tala skráð) 19.1.2009 kl. 13:08]

Smári, ekkert að afsaka. Ég sá mig frekar tilneyddan að lagfæra misfærslur Geirs, reyndar er hann einnig með misskilning á lækkun um 400%, því ekkert er lengur neins virði þegar það er lækkað um 100%, hvað þá 400%.

Það væri þá greitt með olíunni ef hún væri orðin  -100 usd, það væri nú kostur að fá greitt með fatinu.

kv.ek

[Hjálmar (IP-tala skráð) 19.1.2009 kl. 13:50]

Er þá málið komið á hreint?:D

[Smári Jökull Jónsson, 20.1.2009 kl. 00:22]

Já mér sýnist það. Ég allavega er með það á hreinu núna að olían hefur lækkað um 75% síðan hún var hæst, ef hún myndi hækka aftur í sama verð myndi hún hækka um 400% og svo veit ég það líka núna að ekkert getur lækkað um 400% (hefði nú líklega átt að vita það)

En takk fyrir útskýringarnar Einar - og þú líka Geir, þó svo að þær hafi eitthvað ruglast hjá þér...

[Smári Jökull Jónsson, 20.1.2009 kl. 00:24]

Það sem við vitum ekki hins vegar, er hver kenndi Geir stærðfræðina sem hann beitti - líkt og hann spurði hver kenndi mér stærðfræðina sem ég beitti ! Það var allavega Gísli Óskarsson sem kenndi mér, en líklega væri hann ekki ánægður með útskýringarnar mínar ef hann sæi þér hér á "prenti"