Sá sem ber ábyrgð á því að...

...Hanna Birna Kristjánsdóttir kemst í pólitíska stjórnunarstöðu, hann ætti að ákæra. Skil ekki hvernig sú manneskja komst jafn hátt á lista og raun bar vitni fyrir síðustu kosningar.

Annars held ég að það sé nokkuð ljóst að Ólafur F var keyptur til liðs við Sjálfstæðisflokkinn, hans gamla flokk, og honum er borgað með borgarstjórnastóli í rúmt ár. Nú munum við sjá meirihluta sem mun ekki taka á manneklumálum í umönnunarstörfum, heldur munum við sjá gamaldagsklíkupólitík sem Sjálfstæðisflokkurinn hefur verið hvað þekktastur fyrir. Við munum sjá Hönnu Birnu gaspra um skipulagsmál þó svo að hún viti mest lítið um þau mál. Við munum sjá borgina gera samninga sem hún hefur ekki leyfi til að gera o.s.frv.

Feginn er ég að búa ekki í Reykjavík.

Ólafur og Vilhjálmur stýra

Athugasemdir

[Gulli B. (IP-tala skráð) 21.1.2008 kl. 19:49]

"Nú munum við sjá meirihluta sem mun ekki taka á manneklumálum í umönnunarstörfum" , hehehe, ertu ekki að grínast með þetta, R-listinn bjó til mannekluvandamálið og hann hefur haft í kringum 1 tug ára til þess að finna lausn við því vandamáli sem hann skóp og það glittir ekki einu sinni í lausn á því máli, svo er fyndið að gaspra yfir því að hanna birna kunni ekkert í skipulagsmálum þegar læknir er búinn að stjórna þeim undanfarið, það þarf því ekki að koma neinum á óvart sem er akandi í reykjavík að skipulagsmál þar eru hörmuleg, maður gæti haldið að þetta væri 10 milljón manna borg miðað við skipulagið þarna því enginn kemst eitt né neitt á annartímum.Nú er nýtt fólk tekið við og vægt til orða tekið getur það ekki gert verri hluti en R-lista sullið, þau réðu ekki einu sinni við að taka ákvörðun um 2 gömul hús á laugaveginum :)

[Hjálmar (IP-tala skráð) 21.1.2008 kl. 19:57]

Jæja meirihlutinn fallinn en og aftur!

 Hvað er annars hægt að búa til marga meirihluta úr þessum 4 eða 5 flokkum sem eru í borgarstjórn? Einhver sem er sæmilega góður í tölfræði:) En það má búast við halla á rekstri borgarinnar næstu árin vegna þess hvað þarf að borga mikið í biðlaun handa fráfarandi borgarstjórum:S

En að öllu gríni slepptu þá er þetta orðið frekar hallærislegt! Er einhver af þessu fólki, hvort sem það er xS, xD eða xF og hvað allir þessir flokkar heita, að hugsa um hagsmuni borgarinnar? Svo ég tali nú ekki um sitt eigið orðspor, traust almennings á sér og stolt?

[Halldór (IP-tala skráð) 21.1.2008 kl. 21:04]

Hver ber ábyrgð ? Nú að sjálfsögðu þeir sem kusu kelluna. Þú veist lýðræði og allt það. Ef þú ætlar að lögsækja þá held ég að það verði að fella Stjórnarskránna niður í öllu sínu veldi, en það er kannski sem þú og þitt fólk viljið?

Auðvitað var Ólafur keyptur því þannig ganga kaupin fyrir sig á eyrinni og sama má segja um Sjálfstæðisflokkinn hann var keyptur af Ólafi þú veist kaup kaups.

[Þráinn Árni Baldvinsson (IP-tala skráð) 21.1.2008 kl. 22:09]

Jafntefli, enn og aftur... þetta bjargaði alveg deginum hjá mér :)

Benitez to go?

[Smári Jökull Jónsson, 21.1.2008 kl. 22:12]

Sjálfstæðisflokkurinn hafði uppi háværar raddir um að ráða ætti bót á mannekluvandanum, en ekkert gekk og staðan var aldrei verri en eins og í þeirra tíð nú síðast. Svo er það frekar einfalt að ætla að kenna Degi B um klúður í skipulagsmálum - þegar hann hefur verið borgarstjóri í rúma 3 mánuði. Ég hef það eftir mönnum sem koma að skipulagsmálum hjá Reykjavík að ástandið var aldrei eins slæmt og þegar Hanna Birna var formaður skipulagsráðs, hún gat engar ákvarðanir tekið og það var akkúrat ekkert gert þegar hún réði þarna.

En auðvitað hlýtur fólk að velta fyrir sér hvort þessir menn hafi hagsmuni borgarbúa í fyrirrúmi. Þú talar um mig og mitt fólk Halldór - hverjir eru það nákvæmlega ? Ef þú meinar mitt fólk í Samfylkingunni þá auðvitað viljum við ekki fella stjórnarskrána og það lýsir best einfaldleika þínum að reyna að halda því fram. Ég tók svona til orða með Hönnu Birnu og þú ræður hvernig þú ræður í þau orð, ég veit allavega alveg hvernig lýðræðið virkar en þakka þér samt fyrir ábendinguna.

Kaup kaups segir þú. Það er spurning hvað þú þarft að láta mikið í staðinn þegar þú ert keyptur. Ég held að Ólafur F sé að láta ansi mikið, því þó að hann tönnlist á því að hans stefnumál komist til skila þá skulum við sjá hvað setur - ég held að glampinn frá borgarstjórastólnum hafi blindað hann aðeins í þessu máli. Svo verður forvitnilegt að sjá hvað gerist þegar Ólafur mætir ekki á fund ? Er meirihlutinn þá fallinn. Það er þá ansi líklegt að það gerist miðað við hversu duglegur Ólafur virðist vera að mæta á fundi - en menn hafa það á orði að hann hafi ekki haft eirð í sér á þessu kjörtímabili til að sitja heilan fund. Svo neitar maðurinn að tjá sig um sín veikindi - þegar svona stendur á þá hljóta menn að spyrja spurninga !

[Smári Jökull Jónsson, 22.1.2008 kl. 11:35]

Sá ekki að þú varst búinn að kommenta Þrási ! Já veistu ég held að Benitez verði bráðum kominn á tíma - spurning hversu lengi þeir láta hann hanga þarna... annars vil ég líka losna við þessa bévítas Kana !

[Hjálmar (IP-tala skráð) 22.1.2008 kl. 11:43]

Held að Benitez verði út tímabilið og verði svo látinn fara í sumar.

En annars er ekkert að því að hafa kananna áfram, þessi klúbbur er á niðurleið og það er akkúrat sem við viljum, allavega margir;)

Annars væri líka fínt að Benitez yrði áfram, hann virðist ekki vera eins góður stjóri og af er látið þá aðallega af Púllurum!

[Hildur Sólveig (IP-tala skráð) 22.1.2008 kl. 22:52]

Já hagsmunir borgarbúa... það eru örugglega að borga þremur mönnum biðlaun fyrir stutta setu í borgarstjórnarstóli... svo verður aldrei neitt almennilegt gert þegar setutíminn er eins stuttur og raun ber vitni. Ég hef ekkert upp á Dag B. að klaga virðist ágætis borgarstjóri, duglegur að koma sér í fjölmiðla og láta vita að hann sé að skoða hina og þessa skóla og hefur góða innsýn í manneklu heilbrigðiskerfisins aftur á móti er ég orðin langþreytt á honum Birni Inga sem er orðinn eins og níræður nöldurseggur í mínum eyrum... vælandi um hvað það sé erfitt að vera í stjórnmálum jatti jatti jatta if you can't stand the heat get the hell out of the kitchen. Jahá ég er svo sannarlega sammála... ég er ánægð að vera ekki Reykvíkingur :D

[Ingibjörg Hinriksdóttir, 23.1.2008 kl. 23:45]

Sammála ... kvitta fyrir innlitið ... bið að heilsa múttu þinni!

[Smári Jökull Jónsson, 26.1.2008 kl. 18:56]

Gaman að sjá að það er að lifna yfir blogginu hjá mér :-)

En varðandi fótboltann þá er Benitez auðvitað góður stjóri, það sýnir árangur hans í Evrópukeppninni sem er betri en hjá Ferguson. En svo virðist sem hann nái ekki því sama út úr liðinu í deildinni og það er auðvitað áhyggjuefni. En hvort það þurfi að skipta um stjóra til að breyta því - það fáum við ekki að vita fyrr en af því verður !