Skelfilegir draumar

21.2.2008 | 11:46

Mig dreymdi sérkennilegan draum í nótt. Þó svo að í draumnum hafi ég verið að skemmta mér mjög vel þá var þetta í leiðinni eitt af því sem ég óttast mest.

Ég semsagt var á Þjóðhátíð, nánar tiltekið Þjóðhátíð 2008. Komið var laugardagskvöld og ég sat í brekkunni í góðum hópi, m.a. voru þar Sigrún, Hjördís Yo, Ívar Leifs, Sæþór og svo var mamma þarna með okkur líka. Við vorum að bíða eftir því að tónleikar með Nýdönsk hæfust, sérstaklega vorum við Ívar spenntir yfir þessu. Snillingarnir byrjuðu svo skömmu seinna og fyrsta lagið var "Hólmfríður Júlíusdóttir". Þegar ég leit upp á svið var Daníel Ágúst ekki að syngja, heldur ungur maður sem hafði unnið sér það til frægðar að vinna söngvakeppni framhaldsskólanna um vorið með því að syngja einmitt þetta lag. Það skal tekið fram að ég hef ekki hugmynd um hver þessi drengur var, en í draumnum var það mjög skýrt að hann var sigurvegari söngvakeppni framhaldsskólanna. Við skemmtum okkur mjög vel á tónleikunum og ég reyndar vaknaði þegar Daníel Ágúst var nýkominn á svið og búinn að taka tvö lög.

Góður draumur hugsa flestir, allavega aðdáendur Nýdanskrar. En ástæðan fyrir því að þetta er eitt af því sem ég óttast mest er sú að ég er mjög hræddur um að á næstu Þjóðhátíð, sem ég mun að öllum líkindum missa af, þá einmitt komi þeir Nýdanskir fram og skemmti. Það þætti mér skelfilegt, að missa af Nýdönsk á Þjóðhátíð !

Flokkur: Bloggar | Breytt s.d. kl. 14:25 | Facebook

Athugasemdir

Bíddu hvar var ég... var það kannski ég sem var að syngja:D

Hjálmar (IP-tala skráð) 21.2.2008 kl. 12:16

Mig dreymir oft að ég sé búinn að klára vínið á laugardeginum... og sé að fara út um allt og betla áfengi... brr.. fæ hroll að hugsa um þetta.

Andri Ólafsson, 21.2.2008 kl. 12:27

Það er samt eitthvað sem hægt er að redda, þ.e. varðandi áfengiskaup ! Maður spjallar þá bara við Jón Inga á Lundanum og fær nokkra bjóra bakvið borðið, alltaf hægt að græja svoleiðis ef maður er algjörlega kominn í þrot

En Hjálmar, nei þetta varst ekki þú sem varst að syngja - enda ekki í framhaldsskóla né þekktur fyrir mikla sönghæfileika

Smári Jökull Jónsson, 21.2.2008 kl. 14:24

Neinei tengdi þetta bara skóla yfir höfuð:D

En ég er nú ekki ekki þekktur heldur fyrir að vera með enga sönghæfileika;).... eða hvað:S

Hjálmar (IP-tala skráð) 21.2.2008 kl. 18:52

Góður draumur maður :)

Ég vona að Nýdönsk komi fram og skemmti okkur á næstu þjóðhátíð. Og ég vona að þú komist líka. En ef þú kemst ekki þá hringi ég bara af danssviðinu...hehehe ;)

Ivar Leifs. (IP-tala skráð) 22.2.2008 kl. 10:31

Ég ætla rétt að vona að þeir verði ekki, því ég myndi segja 99% líkur á því að ég verði annars staðar en í Dalnum góða

Smári Jökull Jónsson, 22.2.2008 kl. 13:53