Vinnutími kennara

Lofaði því í umræðu um vinnutíma kennara að ég myndi útskýra betur hvað ég meinti með að kennarar ynnu af sér frídaga um páska og jól. Hér kemur þetta allt saman, vonandi skýrt og skorinort :

Kennarar fá ekki lengra jóla- og páskafrí en aðrir : Kennarar í 100% stöðu eru samkvæmt kjarasamningum með 42,86 stunda vinnuviku eða 2,86 stundum meira en gengur og gerist á almennum vinnumarkaði. Þessar tæpu 3 stundir á viku á heilu skólaári gera u.þ.b. 13 daga á ári sem útskýra lengri jóla- og páskafrí. Ég fékk t.d. 9 dögum lengra jóla- og páskafrí á þessu skólaári en fólk sem vinnur á almennum vinnumarkaði í "týpískri 9-17 vinnu".

Kennarar fá ekki lengra sumarfrí en aðrir : Kennurum eiga að taka 102-150 klukkustundir á sumri í endurmenntun. Margir skólar og skólastjórar kjósa, í samvinnu við sitt starfsfólk, að dreifa þessari endurmenntun á vetrarmánuðina. Sú endurmenntun bætist þá við vikulega vinnuskyldu og því skapast meira svigrúm fyrir sumarfríi.

Samantekt : Vikuleg vinnuskylda 42,86 x 37 vikur (tíminn sem börnin eru í skólanum) gera alls 1586 klukkustundir. Við þetta bætist svo 64 klukkustundir sem eru 4 undirbúningsdagar í byrjun skólaárs og 4 undirbúningsdagar í lok skólaárs. Svo er það endurmenntunin og samanlagt gerir þetta 1800 vinnustundir á ári eins og almennt á almennum vinnumarkaði.

Athugasemdir

[Hjördís Yo (IP-tala skráð) 27.3.2008 kl. 23:04]

Takk fyrir þetta :)

Farin í smá rannsóknarvinnu hihi

[Kristleifur Guðmundsson, 28.3.2008 kl. 10:00]

þú getur skrifað og talað um þetta að vild en fólk veit alveg hvernig þetta er

[Smári Jökull Jónsson, 28.3.2008 kl. 14:37]

Ég var nú bara að útskýra fyrir þeim sem ekki vissu, vonandi að þetta sé ljóst núna