Aldeilis forgangsröðun !

Jahá ! Finnst engum öðrum það fáránlegt að nýr meirihluti hafi þetta mál efst á sínum forgangslista ?

Jesús Pétur, maður hefði nú haldið að það væri önnur mikilvægari mál að taka á heldur en þetta.

Nektardans á Óðali og Vegas heimilaður

Athugasemdir

[Jesús Kristur (IP-tala skráð) 28.8.2008 kl. 15:35]

Af einhverri mjög undarlegri ástæðu þá ert þú kominn í "klámvarnarliðið" hennar Sóleyjar fyrir þessi ummæli þín. :-)

http://soley.blog.is/blog/soley/entry/627513/

Líklega hefur það meira að gera með hennar lesskilning en þitt viðhorf til þessa máls.

[Smári Jökull Jónsson, 28.8.2008 kl. 16:54]

Þetta kallar maður kapp án forsjár. Annaðhvort skilur hún ekki það sem ég skrifaði, vill skilja það á sinn hátt eða hefur lesið þetta eitthvað agalega vitlaust. Svo í þokkabót vill hún greinilega ekki fá komment á sína síðu og því ekki hægt að leiðrétta þessa vitleysu...

[Linda (IP-tala skráð) 28.8.2008 kl. 17:21]

Gu-vuð hvað þið eruð heimskir. Þið fattið þetta ekki í alvöru!

[Smári Jökull Jónsson, 28.8.2008 kl. 17:37]

Þakka þér fyrir skemmtilega kveðju Linda, alltaf gaman að fá svona "kurteisa" gesti. En endilega útskýrðu fyrir okkur heimskingjunum ?

Nú ætla ég að útskýra fyrir þér og Sóleyju. Það sem ég á við með mínum skrifum er að mér finnst fáránlegt að borgarstjórn hafi það efst á sínum forgangslista að leyfa nektardans á þar til gerðum stöðum - það er það eina sem ég var að segja og ég sé ekki alveg hvernig hægt sé að stimpla mig sem einhvern aðila "sem vill ekki missa klámið sitt" eins og Sóley orðar það. Ef eitthvað er þá mætti frekar lesa það í gegn að ég væri einmitt á öndverðri skoðun...

[Linda (IP-tala skráð) 28.8.2008 kl. 17:55]

Já, ég er kurteisin uppmáluð (eins og allar konur eiga að vera).

Það er hægt að lesa ýmislegt úr þessu kommenti frá þér sérstaklega þar sem það er ekki efst á listanum að "leyfa" nektardans. Hann er leyfður með undanþágum. En það liggur fyrir að banna undanþágurnar og það þykir mér mikilvægt að taka á strax. Bannið sko.

En ég biðst afsökunar á því að hafa lesið þetta út úr því og fyrir að hrækja á heimilið þitt.

[Smári Jökull Jónsson, 28.8.2008 kl. 18:12]

Eiga ekki bara allir að vera kurteisir, hvort sem það eru konur eða karlar ?

En er ekki bara málið að þið lásuð út úr þessu það sem ykkur langaði til ? Svo þið gætuð hneykslast aðeins...

[Smári Jökull Jónsson, 28.8.2008 kl. 18:16]

Þess má geta að nú er Sóley búin að taka mig af lista yfir klámvarnarliðið...

[Jesús Kristur (IP-tala skráð) 28.8.2008 kl. 18:26]

Nújæja. Batnandi mönnum....

[Andri Ólafsson, 28.8.2008 kl. 18:40]

Jesús? Mættur á svæðið?

...Hvenær gerðist þetta?

[Linda (IP-tala skráð) 28.8.2008 kl. 20:20]

Ég las útúr þessu nákvæmlega það sem þú sagðir. Þú hélst að það ætti að leyfa nektardans. En það er ekki verið að forgangslista því, heldur að banna undanþágur. Þú hneykslaðist á því að það ætti að forgangslista banninu. Ég hneykslast á því að fólk hneykslast á því að það sé ekki mikilvægt að forgangslista það. Þá getum við öll hneykslast saman.

[Smári Jökull Jónsson, 28.8.2008 kl. 20:50]

Veistu ég held þú sért að reyna að misskilja. Það ER verið að heimila nektardans (fyrirsögn fréttarinar segir það, bara svona ef þú ert ekki viss) þannig að það er alveg rétt hjá mér. Ég var að hneykslast yfir því að það væri í forgangi hjá borgarstjórn að leyfa dansinn, þar sem þetta er jú eitt af fyrstu verkum nýs meirihluta.

Þannig að ég var bara ekkert að hneykslast á því sem þú heldur að ég sé að hneykslast, en nú er ég ansi hneykslaður á þér og þínum einlæga ásetningi til að misskilja. Og hana nú sagði hænan og lagðist á bakið (eða vilja femínistarnir kannski ekki að ég segi þetta ??)

[Linda (IP-tala skráð) 28.8.2008 kl. 21:21]

Já, þú ert svona fyrirsagnarmaður. Lestu fréttina, þvínæst skaltu lesa frumvarpið. Svo skaltu kommenta (sagði hænan og gekk út).

[Smári Jökull Jónsson, 28.8.2008 kl. 22:43]

Ég veit alveg um hvað málið snýst. Á fundi borgarráðs var gefin heimild til að staðirnir bjóði upp á nektardans - nema fréttamenn hreinlega ljúgi. Þannig að það er rétt hjá mér. Aftur á móti lagði borgarráð til að lög verði sett til að banna starfsemi staða sem bjóða upp á nektardans - eins og þú ert að vísa til.

Sátt, eða ertu farin fyrir fullt og allt ?