Kaldar kveðjur

Maður var nú ansi hissa þegar maður las fréttir þess efnis að Hyypia væri ekki í Meistaradeildarhóp Liverpool manna. Ansi kaldar kveðjur finnst manni, til leikmanns sem hefur spilað og gefið allt sitt til félagsins í fjölda ára.

En reglur UEFA ráða hér mestu og þar skipta hæfileikar greinilega ekki miklu máli, því hæfileikaminni leikmenn sem leika sömu stöðu og Hyypia eru valdir - einungis vegna þess að þeir voru aldir upp hjá Liverpool eða öðru félagi á Englandi.

Maður skilur svosem alveg punktinn sem UEFA er að setja með þessu, en vorkennir Hyypia ansi mikið í leiðinni.

Hyypia ekki í Meistaradeildarhópnum

Athugasemdir

[Hjálmar (IP-tala skráð) 8.9.2008 kl. 17:56]

Leiðinlegt fyrir Hyppia kallinn!! En verður það ekki alltaf þannig eins og það hefur alltaf verið að það þarf alltaf að taka ákvarðanir sama hvort þessar reglur hjá UEFA séu til staðar eða ekki.

Einnig gæti Benitez hafa hugsað þetta þannig að hann getur komið inn í janúar ef Liverpool kemst í 16 liða úrslit. Ef þeim gengur vel og tryggja sig snemma þá getur hann leyft þessum ungu og efnilegu að spreyta sig þótt ég hafi ekki sérstaklega trú á því að hann geri það. Hann er ekki beint frægur fyrir gefa ungu leikmönnum séns, held meira að segja að það sé enginn sérstaklega ungur og efnilegur hjá Liverpool sem er að koma upp?

En það eru kostir og gallar í þessu...

[Smári Jökull Jónsson, 8.9.2008 kl. 20:33]

Liverpool vann nú varaliðsdeildina í fyrra og það lið er nú að mestu byggt á ungum og efnilegum leikmönnum, fyrir utan að einstaka leikmaður úr aðalliðinu spilar og þá helst þegar þeir eru að ná sér eftir meiðsli. Þannig að það virðist vera þónokkuð af ungum leikmönnum á Anfield sem eru að koma upp.

En hvernig er það, má hann bæta Hyypia við í 16-liða úrslitunum - detta þá út þessar reglur með fjölda uppalinna leikmanna o.s.frv. ?

[Hjálmar (IP-tala skráð) 8.9.2008 kl. 21:59]

Já rétt er það, en þarf samt ekki að vera að það skili sér upp í aðalliðið eins og margt oft hefur sannast, t.d Eagles hjá United sem þótti svaka efni og átti reyndar gott mót í upphafi síðasta tímabils en var seldur held ég sumar eitthvert. En hvað um það...

Já ég las það einhversstaðar (minnir í sömu frétt á Vísi um þetta Hyypia mál) að það er hægt velja hópinn upp á nýtt eða bæta í hann. Veit ekki hvernig það er eða hvort það sé þá á kostnað yngri uppalinna leikmanna. En það kemur bara í ljós

[Þráinn Árni Baldvinsson, 8.9.2008 kl. 23:15]

Er Huppa gamla virkilega í spilaformi ennþá?

[Smári Jökull Jónsson, 9.9.2008 kl. 12:21]

Það er góð spurning, hann spilaði mjög vel seinni hlutann á síðasta tímabili þannig að hann þarf kannski fram að áramótum til að koma sér í gang. Kannski er þetta bara sniðugt "move" hjá Benna eftir allt...