Að mæta eða mæta ekki í vinnuna

Nú segir Vísir frá því að Kolbrún Halldórsdóttir þingmaður Vinstri Grænna sé meðal mótmælenda.

Fyrirgefið fáfræðina, en á hún ekki að vera inni í þinghúsinu að vinna í staðin fyrir að vera utan við þinghúsið að mótmæla ? Það hefði ég allavega haldið...

Allt á suðupunkti við Alþingi

Athugasemdir

[Anna Guðný , 20.1.2009 kl. 16:15]

Væri gaman að spyrja hvort hún hafi tekið sér launalaust frí í dag?

[Davíð Art Sigurðsson (IP-tala skráð) 20.1.2009 kl. 16:31]

Húrra fyrir Kolbrúnu Halldórsdóttur! Með því að taka sér stöðu með mótmælendum sýnir hún í verki samstöðu sína með fólkinu í landinu, fólkinu sem er þreytt á ráðaleysi ríkisstjórnar og óbreyttu ástandi.  Mér finnst að fleiri alþingismenn mættu taka sér Kolbrúnu til fyrirmyndar og sýna með afgerandi hætti að þeir hlusti á fólkið sem þeir eiga að heita fulltrúar fyrir.

[Birgitta Jónsdóttir, 20.1.2009 kl. 16:32]

Er verið að vinna að einhverju sem skiptir máli inni á þingi? Held að þið ættuð frekar að gagnrýna þá sem hafa framið hér landráð með gagnrýni ykkar en að ráðast að þeim sem sýna dug og hugrekki til að mótmæla ástandinu - margir mættu ekki til vinnu til að mótmæla í dag - er ekki stór hluti launa okkar núna tekinn upp í skuldir fjárglæframanna? Þar fyrir utan að þá var tekið þinghlé þannig að kannski kom Kolbrún bara út til að sýna mótmælendum stuðning í verki.

[Snæbjörn (IP-tala skráð) 20.1.2009 kl. 16:44]

Ég er svoleiðis yfir mig hissa á henni Kolbrúnu.  Það var verið að ræða mikilvægt mál á Alþingi; sölu bjórs og léttvíns í matvöruverslunum - þetta er sérstakt áhugamál og innlegg G.Þ.Þ. til lausnar á kreppunni.  Svei þér Kolbrún, farðu að vinna vinnuna þína! 

[Sverrir Einarsson, 20.1.2009 kl. 16:49]

Hún er í betri aðstöðu daglega til að beita sér noti hún ræðupúlt Alþingis, það hvort hún sat undir pælingum um hvort leyfa eig vínsölu í Bónus eða ekki (dagskrá Alþingis eftir jólafrí) er hennar mál. Það að blása það upp í fjölmiðlum að hún hafi á réttu augnabliki (m.t.t. staðsettningar myndavéla sjónvarps) hoppað út til að segjst "fylgja" fólkinu í landinu gef ég ekki krónu fyrir.

[Smári Jökull Jónsson, 20.1.2009 kl. 21:00]

Ég hefði einmitt haldið að hún væri í ágætri aðstöðu til að koma skoðun sinni á framfæri, í ræðustól Alþingis. Þar getur hún lýst yfir stuðningi við mótmælin og ég fullyrði að fleiri taki eftir.

Mér finnst þetta allavega frekar sérstakt og mér finnst þetta ekkert koma því við hvort ég gagnrýni þá sem stjórna hér landinu eða ekki - mér finnst einfaldlega að Kolbrún hefði ekki átt að vera á meðal mótmælenda í dag, stöðu sinnar vegna.