Liverpool og Benitez

Þó svo að Liverpool hafi oftast á síðustu árum verið meira en 7 stigum á eftir toppliðinu á þessum tímapunkti, þá er svekkelsið enn meira núna. Þeir voru efstir, voru í ágætri stöðu en hafa farið mjög illa að ráði sínu. Auðvitað er allt opið ennþá, en miðað við hvernig Manchester United er að spila þessa dagana og á meðan Liverpool klárar ekki leikina, þá sér maður mína menn ekki nálgast Englandsmeistarana enn frekar.

Menn hljóta að spyrja um stöðu Benitez. Ég held hann þurfi að vinna annað hvort Meistaradeildina eða Englandsmeistaratitilinn ef hann ætlar að halda stöðu sinni. Jafnvel gæti sigur í Meistaradeild ekki verið nóg. Hins vegar held ég að það væru mistök að reka hann núna, held það sé liðinu fyrir bestu að hann klári tímabilið.

Leikur gegn Real Madrid á miðvikudag. Real menn á miklu skriði og verða illviðráðanlegir á heimavelli. Þó svo að ég hafi meiri trú á að Liverpool fari áfram heldur en Real, þá er ég ekki bjartsýnn fyrir leikinn á miðvikudag. Reyndar held ég að þessi 16-liða úrslit verði erfiðari fyrir ensku liðin en menn halda. Manchester United, Arsenal, Liverpool og Chelsea eiga öll eftir að lenda í vandræðum og ég held að a.m.k. eitt enskt lið, jafnvel tvö detti strax út í 16-liða úrslitum.

Enn eitt jafnteflið hjá Liverpool á Anfield Road

Athugasemdir

[Hjálmar (IP-tala skráð) 22.2.2009 kl. 21:14]

Já, Liverpool menn voru frekar óheppnir í dag og á móti voru United menn heppnir í gær að merja sigur.

En eins og einhver skrifaði einhversstaðar að þá gat Sir Alex sett inn menn eins og Vidic, Tevez og Carrik minnir mig í gær en Benitez setti Babel og einhverja tvo aðra minni spámenn inn á. Segir kannski allt um munin á breidd og gæðum þessarra liða?

Og þó, þetta er auðvitað ekki búið. Ég hef sagt það í nokkra mánuði að það er einn leikur sem ég er hræddur við (að því gefnu að titilbaráttann verði en í fullum gangi) og það er United vs. Arsenal í næst síðustu umferðinni eða þriðju síðustu.

Það er líka mikið leikjaálag á næstunni, sérstaklega hjá United, þannig að það er nóg eftir. 

Er sammála þér með meistaradeildina, held að eitt eða tvö ensk lið detta út núna strax. Allavega er töluverð áskorun framundan fyrir United þar sem að evrópumeistararnir hafa ekki komið lengra en 16 liða úrslit árið eftir síðan 2004 minnir mig.  

[Hjálmar (IP-tala skráð) 22.2.2009 kl. 21:16]

Eitt sem ég gleymdi, hvar er þetta sem Gummi Ben var að tala um að það væri fundur nú í kvöld á Anfield um að reka Benitez og það ætti að ráða Frank Rijkard?

[Smári Jökull Jónsson, 22.2.2009 kl. 23:07]

Sko það kom frétt inn á Sport.is að það væri fundur hjá stjórninni í kvöld og að þar ætti að taka ákvörðun um þetta. Ég veit samt ekki hvaðan þeir fengu þetta og ég hef ekkert séð um þetta í breskum netmiðlum, ekki einu sinni "local" fréttasíðunni í Liverpool sem eru oftast með puttann á púlsinum þegar þeir eru annars vegar...