Góður undirbúningur

Það er auðvitað mjög góður undirbúningur fyrir Evrópumótið hjá stelpunum í sumar að spila við þessar sterku þjóðir í Algarve-bikarnum í ár. Síðustu ár hafa stelpurnar verið í neðri riðlinum, þar sem þó eru gríðarlega sterk lið líka.

En að spila við þjóðir svipaðar að styrkleika og Danmörk, Noregur og Bandaríkin er það sem koma skal á Evrópumótinu í sumar. Þar eru stelpurnar í sankölluðum dauðariðli og því fínn undirbúningur fyrir mótið í sumar að mæta þessum sterku andstæðingum nú á æfingamótinu í Portúgal.

Annars er það auðvitað magnað að stelpurnar eru að standa uppi í hárinu á þessum stóru þjóðum. Sigurður Ragnar og hópurinn allur er að gera hreint frábæra hluti!

Sjötta sæti eftir 1:2 tap gegn Kína