Hvað kostar það ef við höldum ekki stjórnlagaþing ?

Óneitanlega brosir maður út í annað þegar Birgir Ármannsson og aðrir þingmenn Sjálfstæðisflokksins eru allt í einu farnir að hafa svaka áhyggjur af velferðinni og kostnaði við hitt og þetta. Öðruvísi mér áður brá. Ég ætla að leyfa mér að halda því fram að annað og öllu verra búi að baki þessu upphlaupi þeirra, svo ótrúverðugir virka þeir.

Sjálfur hef ég ekki skoðað þetta stjórnlagaþingsmál nógu vel. Mér hefur fundist vanta betri kynningu á málinu en ég geri mér þó grein fyrir að margar af þessum umbótum sem talað er um eru nauðsynlegar. Því spyr ég, hvað mun það kosta okkur ef við höldum ekki þetta stjórnlagaþing og gerum þar af leiðandi ekki þær umbætur sem rætt er um?

Hafa Sjálfstæðismenn eitthvað velt því fyrir sér? Eða er þetta tal um kostnað einungis lýðskrum og einu áhyggjurnar sem þeir hafa eru áhyggjur af því að aðrir en þeir fái að hafa puttana í málinu?

Stjórnlagaþing kostar 1,7 til 2,1 milljarða

Athugasemdir

[Haukur Gunnarsson, 16.3.2009 kl. 14:20]

Sjálfstæðismenn hafa stóraukið fjárframlög til velfarðamála á meðan þeir hafa verið í stjórn.