Óheppilegt

Fremur óheppileg innsláttarvilla á visir.is. Þar er verið að fjalla um þau Tristu og Ryan sem náðu saman í gegnum Bachelor-þáttinn. Þau eru víst að byrja með raunveruleikaþátt og var visir.is að segja frá því.

Nema þau sögðu að Ryan og Tristan væru að byrja með raunveruleikaþátt...

Stuðningsmenn Vals

Valsmenn eiga marga góða stuðningsmenn, eins og mörg önnur félög. Það sem hefur þó oft vilja loða við suma stuðningsmenn Vals, er að eitthvað tilefni þarf til að þeir fjölmenni almennilega. Það þarf helst að vígja nýjan völl, nýja stúku, halda afmælishátíð tja eða hreinlega fagna Íslandsmeistaratitli til að fólk mæti á svæðið. Kampavínið þarf helst að vera fljótandi úti um allt.

Til dæmis var frekar fámennt meðal Valsmanna í gær, Íslandsmeistaranna sjálfra, á Kópavogsvelli þegar þeir töpuðu gegn HK (enda ekkert kampavín í boði. Auk þess fór stór hluti stuðningsmannanna áður en leikurinn var úti þar sem útséð var um að Valur myndi tapa. Sumir voru þó áfram og kláruðu leikinn, og sungu meira segja stuðningssöngva þegar leikmenn gengu af velli. Það er gaman að því, en fellur þó í skuggann af því þegar hin 90% gengu af velli áður en leikurinn kláraðist. 

Miðað við það hversu stór klúbbur Valur er þá myndi maður ætla að styrkleiki stuðningsmannahópsins væri í samræmi við það. En svo virðist ekki vera, og þetta er meira segja nokkuð altalað meðal íþróttaáhugamanna því ég hef heyrt talað um þetta oft og mörgum sinnum áður.

Nú er ég alls ekki að segja þetta til að móðga einn né neinn, bara svona að útskýra mína upplifun.

Stíflan brast með stæl

Snilld !

Þetta var gargandi snilld eins og Guðjón Guðmundsson myndi orða það. Allan tímann voru strákarnir það vel stemmdir að maður hafði trú á þeim. Hreiðar frábær í markinu, Óli mjög góður og vörnin loksins eins og hún þarf að vera.

Snilld þegar Adolf Ingi sagði að Kim Anderson væri búinn að eiga slakan leik. Þá sagði Ólafur B. Lárusson : "Og veistu það, það er bara virkilega gleðilegt"

Annars var þessi Kim Anderson arfaslakur, þorði varla að skjóta á markið og greinilegt að þessi lykilmaður Kiel á langt í land með að komast á stall með mönnum eins og Ólafi Stefánssyni.

Frábært hjá strákunum - til hamingju !

Handboltaliðið fer á ÓL í Kína

Besta myndin

"Life is like a box of chockolate, you never know what you´re gonna get".

Ákvað að setja "Forrest Gump" í þar sem það er alltof langt síðan ég hef horft á hana. Snilldar mynd og ein af þeim sem maður þarf að horfa á reglulega. Svipað og "Með allt á hreinu", þarf að horfa á hana reglulega !

Hættur, farinn, búið bless...

Ef ég væri Kevin Garnett, sá magnaði leikmaður, þá hefði ég beðið um skiptingu og farið heim ef mér hefði verið slátrað svona illilega. Smellið hér !

Sjæse

Djöfull verð ég feginn þegar þessi og næsta vika verður búin. Sjúklega mikið að gera á öllum vinnustöðum - sérstaklega í skólanum og í þjálfuninni. Próf og læti hjá krökkunum og svo Íslandsmótið að byrja hjá strákunum í fótboltanum. Klárlega hressandi...

Spádómur

1. Úkraína

2. Svíþjóð

3. Frakkland

Ísland lendir í topp 10. Svo vona ég að hið stórgóða danska lag endi ofarlega.

Þess ber að geta að þessi spá mín byggir ekki á því hvaða lag mér finnst best - heldur vísindalegri aðferð um hvaða land er líklegasti sigurvegarinn.

Loksins íslenskt Eurovision partý

Það var loks að maður getur farið í Eurovisionpartý þar sem Ísland er með í keppni. Maður var nú reyndar á djammi þegar Silvía Nótt keppti, en þá var maður nú í útskriftarferð og gerði hvort sem er lítið annað en að lyfta sér upp.

En laugardagurinn ætti að verða skemmtilegur. Vonandi að við fáum svo einhver stig, sem ég býst nú alveg við enda stóðu þau sig með miklum ágætum í kvöld. Það verður allavega stemmning í bænum á laugardaginn - svo mikið er víst !

Ísland áfram í Eurovision

Jay Leno

Hef lengi spáð í einu. Alltaf þegar Jay Leno er með fólk í viðtali þá kemur hlé á viðtalinu og hann segir eitthvað á þessa leið "We´ll be right back with XXX" og svo spilar hjómsveitin eitthvað stef.

Á sama tíma og bandið hefur leik þá halla Jay og gesturinn sér upp að hvor öðrum og eiga svona örstutt "chitt-chatt".

Hvað eru þeir að tala um ???

Það skyldi þó aldrei vera...

...að einn besti knattspyrnumaður heims um þessar mundir sé að hugsa sér til hreyfings. Það er allavega ljóst að eitthvað er að brjótast um í kollinum á honum í þá áttina. Annars myndi hann staðfesta það að hann yrði um kyrrt.

Mínir menn í Barca mega alveg bjóða í hann, tja eða mínir menn í Juventus sem verða mættir í Meistaradeildina á næsta tímabili eftir nokkra fjarveru. Efast um að Man Utd tæki í mál að aðalliðið mitt myndi reyna að fá hann

Ronaldo lofar engu