Heppnir

United voru heppnir í dag. Sá nú reyndar ekki mikið af leiknum en það er auðvitað alltaf heppni að ná að jafna á 94.mínútu. Svo gat ég nú ekki séð betur en Nani hefði átt að fjúka útaf með rautt fyrir suddalega tæklingu á Chimbonda. Það hefði nú klárlega breytt leiknum og gert United erfiðara um vik að jafna.

Mínir menn voru ekkert sérlega flottir í dag þrátt fyrir 3-0 sigur. Enda held ég að ef þeir hefðu ekki unnið þennan leik þá hefði farið að hita verulega undir Rafael Benitez þjálfara. En þetta gefur liðinu vonandi smá sjálfstraust því ekki veitir af fyrir baráttu næstu leikja. Sérstaklega í 16-liða úrslitum Meistaradeildarinnar þegar þeir mæta Inter. En Inter hefur örugga forsystu í ítölsku deildinni sem er nú talin ein af þeim sterkari í þessu bransa.

Tevez kom United til bjargar

Athugasemdir

[Hjálmar (IP-tala skráð) 2.2.2008 kl. 22:00]

Ég kalla það tæpast heppni ef liðið spili leikinn til fulls. Þetta hefur einmitt einn af aðalstyrkleikum MU að spila sinn bolta þangað til að dómarinn er búinn að flauta til leiksloka! Það er einmitt aðall allflestra liða að bakka leið og þau eru búin að skora gegn United og það er það sem má ekki gera gegn United!

Þess vegna vísa ég því á bug að það sé alltaf heppni að skora á síðustu mínútu, alveg eins og þú lítur ekki á það sem heppni að Liverpool náði að skora 3 mörk gegn AC í úrslitum CL hérna um árið á sex mínútum...

Annars áttu United svo sem ekkert skilið neitt út úr þessum leik, voru að spila skelfilega og ég held að þeir hafi ekki skapað sér færi allann leikinn, en þolinmæði og seigla skilaði stiginu.

Varðandi brotið hjá Nani þá er þetta aldrei rautt spjald. Gult er hárréttur dómur, hann fer seint í tæklinguna og missir af boltanum og fer óvart í manninn. Enginn ásetningur á ferð né brot aftanfrá, svona sést um hverja einustu helgi!

Annars góður sigur hjá þínum mönnum í dag og þá er bara Chelsea næstu helgi. Það verður svakaleg rimma býst ég við. En annars var Liverpool ekki að spila vel í dag skilst mér þannig að hver veit... En mér sýnist að Liverpool ætti að ná 4 sætinu, hin liðin virðast vera fatast flugið.

[Sir Magister (IP-tala skráð) 2.2.2008 kl. 23:02]

Hjálmar flottur þegar hann segir eftirfarandi:

Annars áttu United svo sem ekkert skilið neitt út úr þessum leik, voru að spila skelfilega og ég held að þeir hafi ekki skapað sér færi allann leikinn,...og svo segir hann að það sé ekki heppni að jafna leikinn þegar 15 sekúndur eru eftir!!!..á íslensku heitir þetta að vera í mótsögn við sjálfan sig....svo segir hann að Liverpool ætti að ná 4 sætinu því hinum liðunum virðist vera að fatast flugið..VIRÐIST hvað þýðir það í þessu?...ef einhverju liði þarna uppi er að fatast flugið þá er það Liverpool...varla hægt að taka þennan Sunderland leik alvarlega..Aston Villa hefur ekki fatast flugið lengi og á að taka þetta 4 sæti...þeir og Everton eru að spila betur en Liverpool...sjáum samt til hvernig Vila gengur á morgun á útivelli við Fulham...

[Hjálmar (IP-tala skráð) 3.2.2008 kl. 13:10]

Það getur svo sem verið að þetta sé mótsögn, veit ekki.

 Hins vegar miðað við hvað United var að spila illa og sköpuðu sér lítið heilt yfir þá eins og ég sagði áttu þeir ekkert skilið úr þessum leik. En þeir sköpuðu sér eitt gott færi sem þeir nýttu, það kallast að vera með góða nýtingu en ekki heppni, það er bara þannig að leikurinn er í gangi þangað til að dómarinn flautar af og það skiptir engu máli hvenær mörkin koma ef þau bara koma! Ég hefði verið sammála að þeir hefðu verið hepnir ef það hefði verið dæmd vítaspyrna sem var ekki vítasprna o.s.v.fr.

Að mínu mati er Liverpool ekki að fatast flugið. Í liðinu er ekki vottur af liðsheild og hvað þá stemningu innan hópsins. Miðað við hvað menn vilja alltaf troða Liverpool meðal þessarra 4 stóru þá er staðreyndin sú að í Liverpool hefur 3 kannski 4 leikmenn sem kæmust inn í lið Chelsea, Arsenal og United. Á meðan að þessi 3 lið eru með leikmenn sem myndu ganga inn í Liverpool liðið í nánast öllum stöðum. En þessir 3-4 sem eru í Liverpool liðinu þyrftu að vinna fyrir því að komast í hin liðin.  Annað hafa þeir ekki með sinn fáranlega leiðinlega fótbolta. Þeir byrjuðu ágætlega en eftir það hafa þeir verið að sýna sitt rétta andlit!

Manchester City hafa meðal annars verið að fatast flugið, sama má segja um Everton. Aston Villa eins og þú segir hafa reyndar verið að sýna stöðugleika og einhvern stíganda. En síðan hefur lið eins og West Ham ávallt misnotað tækifærið til að blanda sér inn í þennan hóp, Blackburn og Portsmouth. Held að þau eru komin aðeins of langt á eftir til að fara gera tilkall til 4 sætið a.m.k.  

[Smári Jökull Jónsson, 3.2.2008 kl. 14:46]

Þegar þú ert kominn fram á 94.mínútu, staðan 1-0 og andstæðingarnir komnir með alla sína menn inn í vítateig þá er það auðvitað viss heppni að ná að pota boltanum yfir línuna. Liverpool spilaði skelfilega í fyrri hálfleik í dag en voru fínir í seinni hálfleik, eitthvað sem hægt er að byggja á vonandi.

Varðandi tæklinguna hjá Nani þá stend ég fastur á því að þetta átti að vera rautt spjald. Hann var alltof, alltof seinn og gjörsamlega slátrar manninum. Eins og Gylfi Orra sagði á Sýn í gær þá er það ekki Nani að þakka að Chimbonda slapp ómeiddur og hann bætti við að þetta hefði klárlega verið rautt spjald.

Liverpool á eftir harða baráttu til að ná meistaradeildarsætinu og ég hef reyndar trú á að það takist. Ef það gerist hins vegar ekki er ljóst að taka þarf til í herbúðum félagsins, spurning hvort Benitez fær að vera maðurinn sem gerir það.

[andri (IP-tala skráð) 3.2.2008 kl. 18:01]

Já, það nötraði allt og skalf í gær.. jarðfræðingar víðs vegar um heim heldu að jarðskorpan væri að gefa sig EN þá var þetta bara Hjalti Einars að taka tryllinginn á 94.mínútunni umtöluðu. :)

[Hjálmar (IP-tala skráð) 3.2.2008 kl. 18:59]

Auðvitað stóð þetta tæpt, ég neita því ekki! En heppni var þetta ekki. Góð hornspyrna þar sem að Tevez stakk sér í eina auða svæðið í teignum. Mistök hjá varnarmönnum sem annars voru búnir að loka öllum svæðum allann leikinn...

En ég er ennþá ósammála með brotið hjá Nani;) Minnir að Ronaldo hafi fengið svipaða tæklingu á sig gegn Portsmouth eða Tottenham fyrir viku og þá kom enginn fram og heimtaði rautt spjald:S

Það er nú bara einhvern veginn þannig að þegar United vinnur eða skorar þá öskra allir heppni, ofmetið lið og ég veit ekki hvað og hvað.

En góður Andri, get vel ímyndað mér svekkelsið hjá Hjalta. Og svei mér þá ef ég hafi ekki fundið eftirsjálfta fram eftir gærkvöldinu.

[Slinger (IP-tala skráð) 4.2.2008 kl. 21:18]

Síðan þín hefur verið tilnefnd í kosningu á Slinger.tk.
Frekari upplýsingar er að finna á síðunni Slinger.tk

[Smári Jökull Jónsson, 5.2.2008 kl. 09:50]

Ég hef nú bara ekki séð þetta atriði varðandi Ronaldo og þegar brotið var á honum þannig að ég get ekki dæmt um það, en þetta fannst mér rautt allavega. Varðandi United þá finnst mér þeir síður en svo hafa verið eitthvað meira heppnir í vetur en aðrir, hvað þá ofmetnir. Þeir eru einfaldlega með frábært lið og það er engin tilviljun að þeir eru á þeim stað sem þeir eru í deildinni.