Góð helgi í Eyjum

21.4.2008 | 10:05

Áttum góða helgi í Eyjum í blíðskaparveðri. Borðuðum góðan mat og slöppuðum af, ekki veitti af þar sem það er búið að vera þvílíkt mikið að gera undanfarið - og sér ekki fyrir endann á því næstu vikurnar. Ekki góður tímapunktur til að fá einhverja flensu, eins og ég held að sé að gerast hjá mér.

Svo er það bara morgundagurinn sem málið snýst um. Tuðruspark í hæsta gæðaflokki og mínir menn í eldlínunni. Verð að viðurkenna að ég er pínu smeykur fyrir þessar viðureignir en hallast samt að sigri hjá mínum mönnum. Svo spái ég Manchester United sigri í þeirra viðureign gegn Barcelona. Ekki slæmur úrslitaleikur : Liverpool - Manchester United

Flokkur: Bloggar | Facebook

Athugasemdir

Já maður getur ekki annað en verið spenntur yfir þessum tveim leikjum. Sérstaklega seinni leiknum sem er klárlega stærri leikur milli tveggja liða sem hafa gaman af sóknarbolta. En má kannski búast við meiri varfærnisleik milli Liverpool og Chelsea.

Hvað um það, ég mun líklegast missa af leikjunum vegna prófa og mun vera að koma frá Köben þegar seinni leikur United - Barcelona fer fram. Mun líklega sjá seinni leik Liverpool og Chelsea ef ég kæri mig um! Þrátt fyrir þetta kemur mín spá hér:

Liverpool - Chelsea = ég ætla að gerast svo djarfur að spá mörkum í þessum leik! 2-0 fyrir púllara, hálfpartinn tryggja sig áfram í úrslitin með þessum mörkum og halda hreinu.

Barcelona - United = Þori ómögulega að spá um þennan leik, gæti farið 0-0 og líka 5-5 hver veit Spái bara mínum mönnum áfram í úrslitin.