Autt og autt er ekki það sama

Það er broslegt að fylgjast með tilraunum Sjálfstæðismanna við að telja sínum fyrrum stuðningsmönnum að autt atkvæði sé atkvæði greitt vinstri stjórn, eða þá atkvæði sem jafngildi ógildum seðli. Þeir eru greinilega búnir að átta sig á því að margir Sjálfstæðismennirnir hafa gefist upp á flokknum og ætla sér að skila auðu.

Í síðustu forsetakosningum var ekki sama hljóð í Sjálfstæðismönnum. Þá hvöttu þeir sitt fólk til að skila auðu og þá þýddi það auðvitað að verið var að lýsa frati á þá sem voru í framboði (lesist : lýsa frati á Ólaf Ragnar Grímsson). Nú er það auðvitað ekki þannig.

Skrýtið hvað menn eiga auðvelt með að skipta um skoðun eftir því hvað hentar !